Verea, contundente ante a nova ordenanza das VUTS; «Vai destrozar o mercado de alugueiro”

A recentemente presentada nova ordenanza para as vivendas de uso turístico (VUT) xa xenera reaccións na bancada da oposición, concretamente por parte do líder popular Borja Verea, quen non dudou en cargar duramente contra o proxecto que BNG e Compostela Aberta planean levar a pleno co cal,  “queda demostrado que Goretti Sanmartín di unha cousa e fai a contraria».

Así, Verea lembrou que “o BNG prometeulle ás familias con VUTs durante a campaña que ía regularizar a súa situación e o que pretende facer agora é ilegalizalas a todas”.

Por outra banda, este incidiu na preocupación que existe no grupo popular con respecto á  intención do BNG e CA de autorizar milleiros e milleiros de VUTS dous meses ao ano por toda a cidade, unha medida que «vai destrozar o mercado de alugueiro”, afirmou.

“Estamos ante outro exemplo da falla de xestión e de rigor deste goberno que defende unhas políticas de cara aos medios de comunicación pero despois os feitos demostran outras. Non entendemos que a súa maneira de fomentar o acceso á vivenda das familias compostelás sexa permitir que durante dous meses ao ano calquera vivenda poida ser unha VUT, porque está claro que ese tipo de medidas fomentan os alugueiro temporais e non os permanentes”, criticou Verea.

“Tócalle ao BNG e CA explicar qué tipo de política de turismo pretenden levar a cabo con estas accións, posto que veñen de conceder 400 prazas hoteleiras, a un fondo de inversión, en pleno corazón do Casco Histótico, no antigo Hospital de Galeras, e sen embargo ilegalizan a 400 familias compostelás que queren alugar a súa vivenda”, declarou este, quen de novo cargou contra as «políticas contradictorias» do BNG durante o seu primer ano en Raxoi.