22 junio, 2024
Os concelleiros do Partido Popular de Santiago, Adrián Villa e José Ramón de la Fuente, participaron o pasado venres nunha reunión con case 20 veciños e veciñas da rúa do Pombal, quen se ven directamente afectados pola obra que se estenderá durante case un ano. Durante o encontro, os residentes expresaron diversas preocupacións sobre o impacto que terá esta actuación no seu día a día.
Adrián Villa criticou fortemente o que considera como «incompetencia» por parte dos responsables nacionalistas, sinalando que a veciñanza foi informada do proxecto só seis días antes do inicio dos traballos, sen ningunha convocatoria oficial previa e con improvisacións evidentes. Esta falta de transparencia e planificación adecuada, segundo Villa, demostra un desconecemento absoluto das necesidades dos residentes da rúa do Pombal.
Nesta liña, José Ramón de la Fuente sumouse ás críticas, apuntando que a planificación da obra non inclúe un acceso adecuado ás vivendas e garaxes durante o tempo que dure a intervención, algo habitual noutras obras similares. Na reunión, tamén se puxeron de manifesto outras problemáticas como o abastecemento de gasóleo, o acceso dificultado a garaxes e, o máis preocupante, as dificultades que terán os residentes de idade avanzada ou con nenos pequenos que aínda usan sillitas de mobilidade.
Ademais, discutíuse a afectación aos establecementos de hostalaría e hotalaría, que verán limitado o acceso por transporte público e sufrirán complicacións no reparto de mercadorías debido ás restricións de circulación de vehículos pesados.
Diante desta falta de previsión e das demandas expostas pola veciñanza, os concelleiros do Partido Popular instaron ao goberno local a considerar seriamente as súas necesidades antes de comezar a obra. Para Villa, este episodio é outro exemplo da falla de xestión do BNG, que non anticipou os problemas que o peche da rúa do Pombal durante case un ano ocasionará aos veciños.