O horario de verán no transporte urbano comezará o día 25 deste mes

Coa chegada da época estival, o servizo de transporte urbano da capital compostelá adaptará o seu horario nos próximos días, concretamente a partir do martes 25 de xuño.

A partir desta data entrará en vigor o horario de verán, destacando neste curso dúas actualizacións imporantes: en primeiro lugar, reforzaranse os servizos das liñas 6 – 6A nos sábados, domingos e festivos para evitar incidencias, mentres que en segundo lugar, os horarios de verán coincidirán co inicio das obras da rúa do Pombal.

Polo demais, as liñas recuperan os horarios de verán coas reducións habituais da época estival, os cales poden consultarse a través da páxina web de Tussa.

Nesta liña, nos vindeiros días «estará disponible nos autobuses a modificación de horarios no folleto impreso habitual, e realizarase a substitución da cartelería nas paradas da cidade», según sinalou o Concello.