Liga Pro Team Drones este venres e sábado en Compostela

O campo de hóckey do Campus Sur compostelán será o escenario para o desenvolvemento este venres 10 e o sábado 11 de maio de apasionantes exhibicións e competicións da Liga Pro Team Drones.

Este mesmo venres entre as 10.30 e as 13.30 horas terán lugar os obradoiros escolares, charlas e entrevistas, mentres que a partir das 16.00 horas desenvolverase o concurso ‘Voa o teu dron’ e ás 20.30 horas comezarán os primeiros adestramentos dos equipos participantes na Liga. Ás 21.30 horas realizarase a presentación oficial.

Xa na xornada do sábado haberá adestramentos desde as 10.00 horas e ás 15.00 horas comezará a rolda de clasificación, que deixará paso a unha actuación musical de Beat&Soul ás 22.00 horas. Ás 22.30 horas iniciaranse as semifinais e ás 23.30 haberá unha nova actuación. Ás 00.00 horas empezará a gran final e ás 00.20 concluirá a xornada coa entrega de premios.