19 mayo, 2024
O Concello de Santiago informou acerca de sendos cortes en rúas compostelás que iniciarán dende hoxe, día 20 ata o venres 24 de maio, cando a rúa de Vite de Arriba quedará cortada ao tráfico por mor da realización de obras de canalización sobre a calzada. Esta estará pechada á circulación en horario de 8:00 a 20:00 horas e, debido a que a rúa vai quedar partida en dous, as persoas residentes deberán entrar e saír dende os seus extremos.
Tamén dende o mesmo día, por razóns de seguridade no tránsito durante as obras de construción da nova EDAR da Silvouta, pecharase á circulación un tramo da rúa da Silvouta, perpendicular á rúa das Pedreiras. Este corte súmase ao xa existente desde o pasado 2 de abril no último tramo da rúa das Pedreiras, o máis próximo á zona da actuación.
Así, o propio Concello pediu á cidadanía desculpas polas molestias que estas alteracións lle poidan ocasionar.