O festival internacional Pint of Science desenvólvese entre o 13 e o 15 de maio nas cidades de Lugo e Santiago de Compostela coa intención de achegar a ciencia á sociedade da man do persoal investigador da USC, establecendo un vínculo de coñecemento, curiosidade e proximidade entre persoal científico e público xeral, empregando os bares como escenario e proporcionando un contexto distendido e agradable que promova esta comunicación.
Nesta liña, a versión santiaguesa do Pint of Science terá lugar no bar cafetería Alborada de Veiga. A sesión do luns 13 titúlase ‘Unha viaxe entre polos: da Antártida ao magnetismo, do tradicional ao tecnolóxico’, e nela participan Alejandro Gómez Pazo (Universidade de León), Manuel Antonio González Gómez (iMATUS-USC), Eva Cernadas García ( CiTIUS-USC) e Mabel Loza García (CiMUS-USC).
O lema da sesión do martes 14 é ‘Vendo o invisible para comprender o incognoscible: unha viaxe ao teu interior desde o diminuto ata a túa mente’ e nela participan Sergio Vila Tojo (CRETUS-USC), Isabel Neira (EDIUS, ECOBAS), Ana Isabel Rodríguez Pérez (CiMUS-USC) e Elías Ferreiro Vila (BFlow).
Por último, a sesión do mércores 15 titúlase ‘Arquitectura vital: Desde as moléculas e as neuronas ata o futuro das persoas’ e toman parte nela Esperanza Padín González (CiQUS-USC), Bruno Blanco Varela (Departamento de Economía Financeira e Contabilidade, USC), Olalla López Costas (CRETUS-USC) e Alba Vieites Prado (CiMUS-USC).