Facultade de Filoloxía. Foto: Santi Alvite
17 junio, 2024
A cuarta edición do Encontro estatal de Xoves Investigadores en Estatística e Investigación Operativa (SYSORM) arranca na capital compostelá. A inauguración oficial do evento celebrarase o martes 18 de xuño ás 19:30 horas no Salón Nobre do Colexio de Fonseca, unha cita que contará coa presenza de Elena Vázquez Cendón, decana da Facultade de Matemáticas da USC; Pedro Faraldo, director do Departamento de Estatística da USC; a presidenta da Sociedade Española de Estatística e Investigación Operativa (SEIO); e os membros do comité organizador José Ameijeiras Alonso e Eduardo García Portugués.
Promovido pola SEIO, este encontro está deseñado por e para novos investigadores, con menos de tres anos de experiencia posdoutoral. O obxectivo é dar visibilidade ás novas xeracións con talento en Estatística e Investigación Operativa, cubrindo desde temas metodolóxicos ata investigación aplicada, e fomentar a comunicación profesional entre eles, tanto a nivel estatal como internacional.
Por outra banda, esta cuarta edición, despois das celebradas en Elche, El Escorial e Granada, contará con catro relatorios plenarios de renome e ata 30 presentacións de novos investigadores.
No comité organizador da USC participan José Ameijeiras Alonso, María José Ginzo Villamayor e Alejandro Saavedra Nieves.
