A USC entrega este luns os Premios Extraordinarios de Doutoramento 21-22

No marco do XI Encontro da Mocidade Investigadora, a Aula Magna da Facultade de Psicoloxía acollerá este luns 10 de xuño o acto de entrega dos Premios Extraordinarios de Doutoramento 2021-22 da USC.

A cerimonia, dará inicio ás 19.00 horas presidida polo reitor da USC, Antonio López. Será a secretaria da EDIUS, María Isabel Neira Gómez, quen irá nomeando as persoas premiadas para que recollan o seu diploma acreditativo, e a continuación intervirá no seu nome Carmen de Santiago Gómez, doutora pola USC no Programa de Doutoramento en Estudos Medievais e premio extraordinario da área de Artes e Humanidades nesta convocatoria de 2021/22.

Xunto á propia Carmen de Santiago, recollerán o seu premio outros 4 doutorandos e doutorandas da área de Artes e Humanidades, 10 da de Ciencias e Enxeñarías, 12 na de Ciencias da Saúde e 8 da de Ciencias Sociais e Xurídicas.