A SELIC despídese da súa oitava edición con varias propostas de domingo

Tras máis dunha semana cargada de presentacións, conversas, contacontos, lecturas, concursos, obradoiros, dramatizacións, sinatura de libros, rutas ou paseos culturais pola capital compostelá, esta despide hoxe a oitava edición da Semana do Libro de Compostela (SELIC).

Unha trintena de editoras, librarías, bibliotecas e institucións da cidade fixeron posible nos últimos nove días a celebración dun evento que levou a a festa do libro e a cultura á icónica Praza da Quintana, que baixa este domingo á persiana ata o próximo curso.

PROGRAMA DÍA 16 DE XUÑO

12h00 – Paseo Doentes
Paseo dramatizado polos espazos polos que transcorre a obra de teatro Doentes, de Roberto Vidal Bolaño. Con Mónica Camaño, Carlos Santiago, Clara Gallo e Silda García. (1 hora ). Edicións Positivas.
Na entrada principal da carpa.

12h00 – Contacontos ilustrado
A ilustradora Estefanía Padulles vai contando contos ao
tempo que crea debuxos. No Patio infantil.

13h00 – Son animal
Concerto infantil de presentación do libro de Paco Nogueiras ilustrado por Marc Taeger.
Editorial Kalandraka.

16h30 – Paseo Crime en Compostela
Mario Regueira lévanos polos escenarios da novela de Carlos Reigosa que cumpre 40 anos e polos espazos do xénero negro da cidade. (1 hora). Público: xuvenil e adulto. [Colabora: AELG]. Na entrada principal da carpa.

18h00 – Cómic Criminal
Carlos Portela e Miguelanxo Prado falan sobre Contrition de Carlos Portela e Keko, e Presas fáciles, de Miguelanxo Prado. Ambos libros de Norma Editorial.

19h00 – Celebración de Crime en Compostela
Conmemoramos o corenta aniversario da publicación da novela con Fran Alonso, Xaquín Núñez e Carlos Reigosa.

20h00 – Crime en carpaccio
Simone Negrin conta historias criminais de todo o mundo. [En colaboración co Festival Atlántica de narración oral].