11 junio, 2024
A Real Filharmonía de Galicia presentará a súa tempada de abono 2024-2025 cun concerto dirixido por Baldur Brönimann o vindeiro xoves 13 de xuño ás 20:30h no Auditorio de Galicia. Este evento, aberto a toda a cidadanía, contará cun programa sorpresa, no que os asistentes non coñecerán as pezas do programa ata o inicio do concerto.
As persoas aboadas terán as súas butacas reservadas e só deberán presentar a tarxeta de abono ao acceder ao recinto. Para o público xeral, a entrada será de balde previa retirada de convites (máximo 2 por persoa) na páxina web de Compostela Cultura, no despacho de billetes da Zona C e no do Auditorio de Galicia (o propio día do concerto).
Ao remate do concerto, haberá un espazo para conversar co público sobre as primeiras impresións da nova proposta musical e servirá un viño cortesía de Galicia Calidade.