A primeira edición do Campionato Galego de Billarda, cita pioneira, chegará a Santiago

A billarda, «un deporte popular e tradicional que promove a actividade física e deportiva ao tempo que axuda a manter viva a nosa cultura e tradición» vivirá este domingo 19 en Conxo a súa primeira edición do Campionato Galego desta disciplina, un eventon que foi presentado en rolda de prensa pola concelleira de Deportes, Pilar Lueiro, acompañada de Luís Fontán, vicepresidente da Federación Galega Deporte Autóctono, e de Manuel Rodiño, do Comité técnico Campionato Galego de Billarda.

A concelleira incidiu no carácter cultural desta práctica e lembrou que está recoñecida como «unha modalidade deportiva pola Xunta de Galicia no ano 2020». Así, Lueiro animou a toda a veciñanza a achegarse a Conxo a coñecer este deporte popular e tradicional.

Este Campionato Galego de Billarda, o primeiro destas características que se celebra nunha Comunidade Autónoma española, contará este domingo coa participación de 100 xogadores/as dos 241 deportistas federados neste deporte. O obxectivo deste evento deportivo é «consolidar a práctica deste disciplina e achegala á xente máis nova», destacou Manuel Mariño que detallou que a billarda conta na actualidade en Galicia cunha porcentaxe de participación feminina dun 32% e un 21% das persoas federadas son rapaces/as de entre 6 e 16 anos.