1 mayo, 2024
A presenza de avespa velutina ven incrementando exponencialmente na comunidade galega no último tempo. En clave local, só ano pasado, esta especie invasora fixo necesarias un total de 2.123 intervencións dos bombeiros de Santiago.
Nesta liña, e co obxectivo achegarlle a veciñanza as claves para entender e xestionar a presenza desta especie, a Concellaría de Centros Socioculturais porá en marcha un programa de charlas informativas ao respecto que terán lugar en sete encontros noutros tantos centros socioculturais do rural.
Estas charlas informativas correrán a cargo de Xesús Feás, doutor en Ciencias Veterinarias, membro da Academia Galega de Ciencias Veterinarias, e experto en velutina, que tentará dar as claves para identificar as avespas velutinas e para xestionar a súa presenza, nun encontro no que se pretende a participación activa dos asistentes e que terá unha duración de entre unha e dúas horas.
Sete centros socioculturais do rural acollerán estas charlas, estando cada unha delas estará convocada a veciñanza de varias parroquias para conseguir unha maior cobertura territorial. Estas iniciarán o sábado 4 de maio a partir das 16 horas, cun encontro no centro sociocultural da Grixoa, dirixido tamén aos veciños e veciñas da Gracia.
O martes 7 de maio, a partir das 19.00 horas, haberá unha charla en Enfesta, pensada tamén para a veciñanza de Lavacolla e Bando; o martes 14 a cita será na Peregrina a partir das 19.00 horas, e están convocados os veciños e veciñas de Santa Cristina de Fecha e Lamascal; e o xoves 16, o encontro será ás 19.30 en Verdía, coa veciñanza desta parroquia e de Busto, Marantes e Nemenzo.
O martes 28 de maio as charlas chegarán ao centro sociocultural de Marrozos, dirixidas tamén á veciñanza de O Eixo e Aríns, a partir das 19.00 horas; e en Laraño haberá un econtro, tamén coa xente de Figueiras e Villestro, o xoves 30 ás 19.00 horas. A última charla será no CSC de Cesar, tamén para a Barciela e Carballal, o venres 31 de maio, ás 19.00 horas. A asistencia é libre e de balde.