A obra “A Pulga Espacial”, de Alba de Evan e Xabier Domínguez, logra o premio literario Frei Martín Sarmiento

As Escolas Católicas de Galicia veñen de entregar, o día 3 de maio, os prestixiosos premios literarios Frei Martín Sarmiento que, na 2ª categoría, correspondeu a Alba de Evan e Xabier Domínguez pola súa obra “A Pulga Especial”, editada por Cumio Editorial. O acto celebrouse no Museo Pedagóxico Galego da capital de Galicia.

Na cerimonia de entrega de galardóns respetouse a elección feita por centos de escolares galegos, que cos seus votos decidiron outorgar este recoñecemento a «A Pulga Espacial» pola súa contribución á literatura infantil. A obra, que capturou a imaxinación dos pequenos lectores, destaca pola súa creatividade e capacidade para fomentar o amor pola lectura entre os cativos.

O premio Frei Martín Sarmiento (vixésima edición), nomeado en honor ao ilustre pedagogo e escritor galego, concédese anualmente a libros que non só entretén, senón que tamén promoven valores educativos e culturais importantes. As Escolas Católicas de Galicia felicitaron aos autores de «A Pulga Espacial» (Xabier Domínguez e Alba De Evan) e editores de Cumio (Víctor Mascato) e agradeceronn a todos os estudantes que participaron no proceso de votación.

A entrega do premio contou coa presenza de destacadas personalidades do ámbito educativo e literario, da Secretaría Xeral de Política Lingüística, Valentín García, así como representantes das escolas participantes. Este evento non só recoñece o talento literario, senón que tamén celebra o papel activo dos mozos lectores na promoción da literatura.