15 mayo, 2024
Gadis participará un ano máis ná celebración do Día das Letras Galegas, unha data que a cadea de supermercados aproveita para «achegar as nosas letras a miles de fogares en Galicia». Así, neste curso, a compañía volve apostar por un formato orixinal co caderno de actividades Flores e letras, unha publicación para emprender unha viaxe ao pasado da literatura galega e coñecer curiosidades dos autores e publicacións máis universais, dende o pasado ata ao presente transitando por versos e textos a través de pasatempos, enigmas, e xogos que tamén levarán ao lector a descubrir a autores desta época
«Cun deseño moi visual e rompedor, Flores e Letras atrapa polo seu xeito innovador de poñer en valor a literatura galega. Ademais, trátase dun caderno moi ameno para nenos, mozos e adultos, que atoparán no seu interior un recordatorio da figura de Luísa Villalta, a autora elixida pola Real Academia Galega para render homenaxe nesta edición das Letras Galegas», destacan dende Gadis.
Así, máis de 30.000 exemplares deste cadernos serán repartidos aos clientes que realicen unha compra por calquera importe o vindeiro xoves 16 de maio, ata esgotar existencias, en tódolos supermercados de Galicia. Tamén existirá a posibilidade de descargalo en formato PDF na web de Gadis.
Tamén nesta xornada, a empresa agasallará aos seus clientes con máis de 30.000 marcapáxinas e tamén entregará máis de 30.000 bolsas de papel reciclado dando conta da celebración. Ademais destas iniciativas, que Gadis pon en marcha para asomarnos á lingua galega como elemento de identidade común, en vindeiras datas terá lugar unha acción especial en A Coruña, cidade natal da homenaxeada deste ano.
«A empresa de distribución 100% galega apoia a cultura desta terra nas súas diferentes manifestacións ao longo de todo o ano, reforzando este apoio con motivo do Día das Letras Galegas. Nas últimas edicións sorprendeu con iniciativas máis innovadoras, como Versos na rúa, con citas literarias nos pasos de peóns; potenciou o talento de 15 novas voces da poesía galega recolléndoas nunha publicación, e editou o fanzine Tirabeque.», sinalan dende Gadis, recordando que nestas máis de dúas décadas coa cultura galega, editou máis de 360.000 exemplares de libros para impulsar a traxectoria de novos autores e tamén doutros máis recoñecidos.