A Gladiator Race regresa á Cidade da Cultura o próximo 14 de setembro

Redacción

A Cidade da Cultura (Santiago) volverá acoller o próximo 14 de setembro unha nova edición da Gladiator Race. Máis de 1.500 participantes que se enfrontarán a diferentes tipos de obstáculos, poñendo a proba a súa forza física e mental da forma máis divertida.

Despois de celebrar a súa última carreira en Pontevedra e do gran éxito do ano pasado, cando esgotáronse as inscricións en menos de tres semanas, a proba regresa para facer gozar aos maiores e máis pequenos como auténticos gladiadores.

Os maiores enfrontaranse á Gladiator Rocket, con máis de 6 quilómetros e máis de 30 obstáculos. Os participantes poderán recibir axuda externa para superar obstáculos agás nos élite, onde se non conseguen superar as diferentes dificultades retiraráselle o chip de cronometraxe, aínda que poderán continuar a proba sen contar para a clasificación.

Ademais da carreira de adultos, pola mañá celebrarase a Gladiator Kids, para que os máis pequenos da casa poidan vivir a experiencia Gladiator Race e gozar dun día de diversión en familia cos seus pais.

O evento, ademais, terá un carácter solidario a favor da asociación Art For Dent, doándose un euro de cada inscrición á devandita causa. Ademais, existirá unha fila 0 que estará aberta para conseguir máis recursos.

A apertura de inscricións será o vindeiro luns 17 de xuño a partir das 20:00 horas, estando limitadas a 1.200 participantes no caso dos adultos e 300 prazas para os máis pequenos o a páxina web da carreira: https://gladiatorraceoficial.es/.