O proxecto de recuperación do «Monumento o Sagrado Corazón» de Ribeira en marcha

O cumprírse os 60 anos da consagración do «Monumento O Sagrado Corazón de Xesús» en Santa Uxía de Ribeira, a parroquia iniciou a posta en marcha dun ambicioso proxecto de recuperación da zona.

Actualmente o edificio inaugurado o 28 de xuño de 1964, coincidindo co centenario da consagración do templo parroquial, presenta un estado bastante deteriorado froito do seu escaso uso, somentes un par de veces o ano, e de quedar rodeado de edificios máis altos que o ocultan e aillan do resto da cidade. Como consecuencia a zona presenta un aspecto bastante obscuro e o edificio un estado ruinoso en algunas zonas.

O proxecto foi ben acollido polo Arcebispado de Santiago, e a parroquia para a realización das melloras previstas creou xa unha comisión económica encargada de conseguilos fondos e supervisalo proxecto.

O lugar, unha finca duns 700 metros cadrados sería reformada e saneada destacando o aspecto de zona verde, construíndose un columbario para os católicos, crentes doutras relixións e non crentes, todo iso nunha zona axardinada que daría luminosidade a contorna,o que permitiría o mantemento da zona e do edificio.

Asemesmo a torre no que se ubica o Sagrado Corazón e a capela, duns 20 metros de alto, sería dotada dunha escalinata que permitiría acceder á parte superior da imaxe e que ofrecería unhas vistas espectaculares de toda a comarca e a ría. O proxecto parroquial está en marcha e esperase que vaia adiante a curto prazo.