A Casa de Cultura Manuel María (Barbadás) acollerá unha Xornada de Exaltación das Letras e a Música de Galicia,

A Casa de Cultura Manuel María acollerá o vindeiro sábado, 8 de xuño, ás 18:00 h, unha Xornada de Exaltación das Letras e a Música de Galicia. Neste evento, haberá actuacións a cargo de Cantagalos, Cuncas do Son, Zoadeira e a Banda de Música e Cultura de Galicia. Ademais, entregaranse os galardóns aos premiados no XXVII Certame Literario de Piñor (Barbadás).

Na categoría A, destinada a maiores de idade, os premiados son Xosé Alfredo Naz Fernández, de Vigo, en primeiro lugar, e Sandra Fernández Prado, de Poio (Pontevedra), en segundo lugar. Na categoría B, para mozos de 13 a 17 anos, os galardoados son Hugo Martínez Bizarro, de Ourense, como primeiro clasificado, e Iker Pérez Álvarez, da Pobra de Trives, como segundo clasificado. Na categoría C, para alumnado de Educación Primaria, Lois González Fernández, de Barbadás, obtivo o primeiro premio, mentres que Álex González González, de San Cibrao das Viñas, recibiu o segundo premio.

Este evento é organizado pola Asociación Cultural Música e Cultura de Galicia e conta coa colaboración do Concello de Barbadás.