Teo mellora as súas instalacións deportivas

O Concello de Teo ven de proceder coa mellora das instalacións deportivas municipais ao aire libre, «co fin de ofrecer uns servizos óptimos á cidadanía e que a veciñanza poida desfrutar do seu uso con seguridade».
Así, según indicou este, colocáronse na zona dos Tilos canastas antivandálicas na pista exterior, procedéndose tamén ao seu pintado. Xa no pavillón, colocáronse taboleiros de metacrilato nas canastras de minibasket e mudouse o termo de auga quente, mellorando así o servizo e aminorando os custos ao non haber fugas de auga.
“Ter as instalacións deportivas neste estado só conlevan custos adicionais para as arcas do Concello e só conlevan problemas para os seus usuarios”, sinalou a alcaldesa, Lucía Calvo de la Uz.
Por outra banda, na zona de Augas Mansas, fio remplazada a rede da pista deportiva ao aire libre dado o mal estado que presentaba a vella e tamén se procedeu á limpeza da pista, á que se lle colocaron novas redes ás porterías. Así mesmo, procedeuse a unha limpeza profunda do parque infantil, «para que a rapazada poida xogar e desfrutar deste espazo con todas as garantías», sinalou o Concello.
Tamén en Oza, concretamente nas pistas situadas sobre os falsos túneles da AG-59, colocáronse canastas antivandálicas, limpouse en profundidade esa pista de baloncesto e fixéronselle arranxos á rede que protexe esta pista. Dado o mal estado do mobiliario nesta zona, arranxáronse os bancos e pintouse a mesa, para invitar á xente a facer uso deste espazo.
“Un acondicionamento en tempo e forma evita que se danen do xeito no que estaban as infraestruturas”, remarcou a rexedora acerca dun traballo que ten que desenvolver de forma periódica o Concello.