Ribeira reúne a mesa local contra a violencia de xénero

O Concello de Ribeira mantivo unha xuntanza da mesa local contra a violencia de xénero para avaliar os pasos a dar na loita contra este problema social.

Estiveron presentes o alcalde, o director xeral de Loita contra a Violencia de Xénero, representantes da Delegación do Goberno, do colexio de avogados da Barbanza, de Sanidade e de Servizos Sociais.

Segundo expuxo o director xeral, o partido xudicial de Ribeira ten 250 mulleres con protección por casos activos de violencia de xénero, facendo que sexa unha das zonas que máis casos ten tras as grandes cidades de Galicia. Por iso, todos os membros coincidiron de seguir traballando na sensibilización, na mellora da coordinación interinstitucional e avanzar na igualdade entre mulleres e homes.