Ribeira inaugura a exposición fotográfica “A Dorna: un legado, un motivo, un porvir”

Onte tivo lugar o acto inaugural no miradoiro do Malecón da exposición fotográfica: “A Dorna: un legado, un motivo, un porvir” onde se congregaron para o acto o alcalde, Luís Pérez Barral, o laureado fotógrafo Manuel Lesmes, o vicepresidente da Dorna Alejandro Nespereira, o profesor e escritor Olegario Sampedro, tenentes de alcalde, edís, membros da directiva da confraría e veciñanza.

A exposición foi organizada polo Concello de Ribeira, ReaI Cofradía da Dorna e Lesmes Fotógrafos con textos de Olegario Sampedro. A exposición estará colocada ata o 14 de setembro en cinco puntos centrais da cidade: Malecón, praza de Compostela, exterior museo municipal, soportais da rúa de Galicia e fronte ao Cruceiro da Saúde para facer un percorrido expositivo ou atoparse frente a ela se un camiña pola centenaria.

O fotógrafo Manuel Lesmes falou do inmediato da fotografía de hoxe en día e revindicou a impresión para poder pararse un pouquiño e repousadamente admiralas e atopar a esencia do momento conxelado.

Olegario Sampedro, que contribuiu cos textos, dou os parabéns aos organizadores e dixo, “dicidín facer unha estrutura sintáctica moi sinxela para non roubar protagonismo á fotografía e á festa pero sí a través dos textos expresar o que é a dorna, que é un sentimento”.

Luís Pérez pechou o acto en nome do Concello sinalando que as fotografías que hoxe se presentan capturan a esencia desta celebración. «Cada imaxe é unha xanela ao pasado, mostrando como a tradición da dorna perdurou e evolucionou co tempo por iso podemos ver momentos de regatas con “embarcasións feitas á machada”, xogos populares e verbenas nocturnas, entre outras actividades, pero todas elas imbuídas do espírito alegre e participativa que define á Festa da Dorna.

Segundo o rexedor, esta exposición tamén é unha homenaxe a todos aqueles que contribuíron a manter viva esta tradición. Aos organizadores, ao voluntariado, participantes e espectadores, cuxo entusiasmo e dedicación fixeron da Festa da Dorna un evento tan especial e único no país.

«Convido á poboación a reflexionar sobre o que esta festa significa para cada un de nós, vendo que este festexo celebra as nosas raíces mariñeiras e o enorme talento creativo que, ano tras ano, celebramos con ese espírito inquebrantable de alegría e amizade. En nome do Concello de Ribeira, quero agradecer a Lesmes a súa colaboración á hora de desenvolver esta mostra e tamén á organización da Dorna a súa implicación para levar adiante este importante evento. Agardo que esta mostra fotográfica sexa do agrado de todo o mundo» concluiu.