Rematadas as obras de mellora no acceso e explanada da igrexa de Soesto

O Concello de Laxe vén de rematar as obras de mellora do acceso e explanada exterior da igrexa parroquial de Soesto.

Con esta actuación, que contou cun orzamento de 40.252 euros, melloráronse as condicións para acceder a este espazo, tanto para os peóns como para os vehículos.

O alcalde, Francisco Charlín, asegurou que «coa renovación do pavimento facilítase un acceso moito máis sinxelo á igrexa, tanto a pé coma en coche», sendo «máis seguro para todos e todas».