O Polígono Industrial de Sigüeiro mellorará as súas infraestruturas

Oroso iniciará obras no Polígono Industrial de Sigüeiro para acondicionar os seus accesos mediante un proxecto de mellora das infraestruturas dos parques empresariais, unha intervención que abarca a pavimentación das Ruas Mesía e Curros Enríquez, así como da Avenida Álvaro Cunqueiro.

Según sinalou o alcalde Alex Doval, «a mellora dos accesos ao polígono era unha necesidade debido ao grande deterioro provocado polo tránsito diario de camións de grande tonelaxe que acoden a cargar ou descargar mercadorías nas naves industriais do parque empresarial. Ademais, tamén se inclúe a dotación dunha beirarrúa para a Avenida Álvaro Cunqueiro, no seu tramo final cara ao casco urbano de Sigüeiro».

Este proxecto de mellora está orzamentado en 150.000€. Ademais, tras a reunión entre representantes da Zona Empresarial de Sigüeiro, o alcalde de Oroso, Alex Doval, e a Conselleira de Economía e Industria, María Jesús Lorenzana, a Xunta de Galicia participará activamente na mellora do polígono mediante unha liña de financiamento que aportará 130.000€ para a actuación.