O Concello de Arzúa acollerá o obradoiro “Suma diversidade: multiplica éxito” sobre contratación de persoas estranxeiras.

Redacción

A Concellería de Igualdade do Concello de Arzúa, a través do seu Centro de Información ás Mulleres, organiza xunto a Movemento pola Paz un obradoiro dirixido a empresas e a empregadores particulares.

A través do taller «suma diversidade, multiplica éxito», en formato guía especializada, descubriremos como facilitar a contratación de persoas estranxeiras en Galicia. Este recurso detalla os requisitos e procedementos necesarios para empregar a persoas estranxeiras: dende autorizacións de residencia ata tipos de contratos laborais. Coñeceremos cada paso do procedemento dun modo práctico e accesible.

Este obradoiro desenvolverase o mércores 22 de maio ás 10:00 na Casa das Mulleres (Rúa San Vicente s/n) e terá unha duración aproximada de unha hora e media. A inscrición, que é gratuíta, debe formalizarse no Centro de Información ás Mulleres do Concello de Arzúa, chamando ao 981 501 101 ou nesta ligazón: Links: https://bit.ly/3wljMPU