7 mayo, 2024
O Pazo da Peregrina, en Bertamiráns, foi o escenario da primeira edición do Mercado de Maio, unha iniciativa promovida pola asociación Menais co obxectivo de fomentar un estilo de vida máis respectuoso coa comunidade e o medio natural. Celebrado os días 4 e 5 de maio, o evento contou con música en directo, un mercado e diversas actividades e obradoiros para toda a familia.
A asociación Menais, con sede en A Garea (parroquia de Agrón), organizou o I Mercado de Maio no Pazo da Peregrina, en Bertamiráns, onde estiveron presentes alcalde de Ames, Blas García, e a concelleira de Promoción Económica, Ana Belén Paz, para coñecer de primeira man esta iniciativa.
Durante os días do sábado e o domingo, os asistentes puideron disfrutar de varias actividades destinadas a promover a conexión coas raíces e tradicións culturais galegas, moi ligadas á natureza, co obxectivo de fomentar unha vida máis respectuosa co entorno.
A oferta de obradoiros abarcou todas as idades, con propostas diversas, incluíndo actividades específicas para os máis pequenos. Entre as iniciativas destacaron dous obradoiros caninos, impartidos por unha educadora profesional, un taller de reanimación cardiopulmonar e atención á atragantamento infantil, así como un obradoiro de plantas comestibles.
Ademais, o mercado ofrecía produtos de artistas locais e produtos de segunda man, acompañados dun stand de pintacaras para os nenos. Todas estas actividades foron amenizadas con música tradicional galega, interpretada por Serxio Estévez.
Dende a organización, fan unha valoración moi positiva desta primeira edición do Mercado de Maio: «A pesar do mal tempo, houbo bastante afluencia. A xente animouse a vir e participou tanto no mercado como nos obradoiros, nos que participaron arredor de quince familias».