10 julio, 2024
A vila de Negreira mergúllase desde o xoves 11 de xullo e ata o domingo día 14 nas súas festas de verán na honra a San Cristovo e faino con tres días de verbena que obrigarán a modificar o tránsito de vehículos polo casco urbano.
Así, concello informa de que desde o mércores permanecerán cortados ao tráfico os accesos rodados á Praza do Concello polo que recoméndase a residentes e veciños que non estacionen en todo o recinto, reservado para a montaxe de escenarios e demais infraestruturas.
Para as atraccións, o Concello reservou a segunda parte da rúa de Castelao e a contorna do instituto. A circulación quedará restrinxida ata o luns, excepto para as urxencias sanitarias, a Garda Civil e os veciños residentes dos bloques de edificios da zona.
As festas vivirán o seu día grande o sábado, dedicado a San Cristovo, patrón dos condutores, que ten como actividade máis destacada a procesión motorizada que organizan os integrantes da Asociación de Transportistas de Negreira.
Desde ese colectivo, confirman que será a participación máis alta dos últimos anos, e tras o percorrido polas rúas da vila, dirixiranse cos seus vehículos ata área recreativa de Cobas para celebrar unha comida de confraternidade. Esa marcha motorizada que este ano parte por primeira vez da contorna de Pedra Mámoa, comezará tras a misa do mediodía, e obrigará a efectuar cortes de tráfico ata a súa conclusión.