27 junio, 2024
O Concello de Brión e Latexos de Turismo convida á cidadanía a participar nun evento de difusión dos bens culturais e patrimoniais do municipio, centrado nesta ocasión na ruta xacobea que atravesa Brión. O evento terá lugar no día 28 de xuño, ás 19:00 h, na Igrexa de Santa María de Os Ánxeles, baixo o lema de ‘Brión: unha historia que contar | O Camiño de Peregrinación a Santiago’
Así, o programa inclúe acollida por parte de representantes do equipo de goberno local ou do técnico de cultura do Concello de Brión, seguido dun faladoiro moderado por José Manuel García con personalidades ligadas ao Camiño de Santiago como Manuel F. Rodríguez, xornalista e escritor, Cándido Pazos, escultor, Daniel Pernas de Multicentros Pernas en Pontevea, e Sebastián Valverde, xerente da Asociación de Concellos do Camiño da Ría de Muros e Noia.
Está prevista tamén a participación de artistas do XVII Encontro coa Arte ás 20:00 h, seguido do peche do evento ás 20:20 h con música a cargo do cantautor Manoele de Felisa, interpretando a historia do Camiño de Santiago en cancións.
Ademais, o domingo 7 de xullo, haberá unha ruta polo Camiño de Santiago ao seu paso por Brión, con saída ás 10:00 h de Urdilde a Bertamiráns (prazas limitadas).