Ábrese o prazo de achegas ao texto da ordenanza para a concesión de subvencións municipais, en A Baña

O Concello da Baña fai público o texto do proxecto da ordenanza xeral reguladora para a concesión de subvencións municipais e elévao a consulta pública durante dez días hábiles. Este prazo estará aberto do 2 ao 15 de xullo.

As persoas que queiran realizar achegas poderán facelo a través da sede electrónica empregando o formulario de achega de documentación complementaria (prema nesta ligazón). No apartado «código de expediente» deberán poñer 2024/G013/000001.