A escola de karate Dokkodo pechou o curso co evento “Karate en Familia”

O pasado xoves a escola Dokkodo finalizou a tempada cun adestramento na Casa da Cultura de Bertamiráns. Este evento, que levou por nome «Karate en Familia» foi un éxito, reunindo a case medio centenar de persoas. Nel o alumando tivo a oportunidade de compartir o seu último adestramento antes das vacacións estivais cos seus seres queridos, incluíndo nais, pais e amigos. A xornada destacou pola participación activa e o entusiasmo de tódolos asistentes.

Ao final do adestramento, realizouse a Cerimonia de Cambio de Cinturón, na que se fixo entrega dos novos cinturóns aos alumnos que superaron os exames de kyus, así como dos correspondentes diplomas. Este acto simbolizou o recoñecemento ao esforzo e á dedicación dos karatekas ao longo do ano.