A Ciclobiblioteca de Anxo Moure chega á Casa da Xuventude de Silleda o vindeiro martes 11 de xuño

C.S.

O martes 11 de xuño ás 17:30 horas, a ciclobiblioteca visitará o salón de actos da Casa da Xuventude de Silleda. Nesta actividade narraranse oralmente contos na loita contra o cambio climático, para amar e coidar a terra da man do escritor Anxo Moure.

Trátase dunha proposta para público infantil e a mocidade ata os 15 anos cunha hora de duración. Realízase a través do programa Ler conta moito que dinamiza as bibliotecas públicas municipais.