Un verán diferente para estes nenos saharauís

Dúas familias brionesas acolleron aos nenos saharauís o 5 de xullo, que estarán convivindo con eles ata 5 de setembro. Esta iniciativa forma parte do programa «Vacacións en Paz» que busca que a cativada do Pobo Saharauí teña a posibilidade de coñecer unha vida diferente, moi dispar do clima de guerra no que naceron. Pasando desta forma unha estadía o máis agradable posible e unindo lazos entre ambos os dous países, mellorando a comunicación e entendemento.

O xoves 15 de agosto terá lugar unha reunión por parte da organización Solidariedade Galega co Pobo Saharauí en Santiago, na praza do Obradoiro. Alí tamén asistirán máis de 300 rapaces acollidos en Galicia durante estes meses.

O Concello de Brión, en colaboración coa organización Solidariedade Galega co Pobo Saharauí, volve repetir este programa co que levan colaborando dende 2005, acollendo a nenos saharauís. O Concello ofrécelles ás familias todo o apoio e a súa colaboración, cunha achega municipal de 2.670€, a fin de que os nenos estean ben e gocen.

Ademais, a librería  Follas Novas obsequiará cuns libros tanto aos nenos das familias que acollen coma para os nenos acollidos.

Así foi a chegada dos pequenos do Pobo Saharauí en Brión