Mellora da seguridade viaria en Lamela

O Ministerio de Transportes e Mobilidade vén de acometer novas melloras da seguridade solicitadas no seu día dende o goberno municipal. Entre estas melloras atópase o pintado dunha zona de cebreado con pivotes que impide o estacionamento nun pequeno tramo do arcén da N-525, xusto na intersección co vial municipal cara a Piñeiro.

“A presenza de vehículos estacionados neste punto dificultáballes a visibilidade ás persoas condutoras que se incorporaban á nacional, co que esta medida incidiriá nunha mellora da seguridade, tal e como lle solicitamos no seu día ao Ministerio”, indica a alcaldesa de Silleda, Paula Fernández.

A rexedora lembra que esta medida vén a completar outras peticións históricas como o cambio no pintado da N-640 á altura de Senra, en Escuadro, realizado nas últimas semanas.