6 agosto, 2024
O Concello de Boqueixón está a executar melloras na aldea de Lamas, que inclúen a renovación da capa de rodaxe da estrada de acceso, a demolición do antigo palco de música e o acondicionamento do campo da festa da parroquia. Estas obras contan cun investimento de 26.000 euros.
O traballo comezou a semana pasada coa demolición do antigo palco no campo da festa. Segundo explica o alcalde de Boqueixón, Ovidio Rodeiro Tato, ademais da demolición, realizáronse traballos de canalización de pluviais e agora se está a proceder á aglomeración da zona. A aglomeración afecta a unha superficie de 1.050 metros cadrados no acceso ao campo da festa, onde tamén se ampliou o espazo en 450 metros cadrados e se arranxaron os baches existentes.
Nos próximos días, tamén se limparán as gabias e salvagabias, e se realizará o pintado das liñas de bordo e da sinalización horizontal na estrada de acceso.