Boqueixón acollerá unha charla sobre procesos de regularización para persoas migrantes

A casa consistorial de Boqueixón acollerá unha charla sobre procesos de regularización: modificacións do regulamento de estranxería. Será o martes 13 de agosto, en horario de 12:00 a 14:00 horas.

Durante a charla trataraase sobre os distintos procesos de regularización de interese para persoas migrantes. Unha iniciativa organizada por Arrainas, en colaboración co Concello de Boqueixón e a Deputación da Coruña.

A participación é totalmente de balde, previa inscrición no Concello de Boqueixón: 981 513 106.