Lenda conquistou o título nunha nova edición de A Nosa Champions

Unha nova edición da liga que máis nos gusta chegou ao seu fin. A Nosa Champions 23-24 concluiu cunha gran xornada de fútbol sala na que puidemos desfrutar da gran final da Liga A Nosa Champions entre os equipos Alba e Lenda. A vitoria foi para o Lenda, pero na Nosa Champions gañan todos, gañamos todos. Esta competición creada pola Real Federación Galega de Fútbol en colaboración con Feafes Galicia permite que persoas con discapacidade intelectual poidan xogar ao fútbol sala nunha liga amparada e organizada pola RFGF.

Ao remate da final os equipos recibiron as súas medallas e trofeos nun acto no que participou Marcos Ordóñez, representante de Saunier Duval, patrocinador da Nosa Champions desde o seu inicio. Desde a RFGF agradecemos profundamente a Saunier Duval a súa colaboración, así como a Feafes Galicia por volcarse con esta iniciativa.

Despois da final Feafes organizou o seu XV Campionato con equipos de toda Galicia.