Información:
Comezamos un ano máis os campamentos de verán Xoga con Nós e Summer Camp do PROGRAMA DE CONCILIACIÓN – DÍAS SEN COLE do Concello de Ribeira, e dende o Concello queremos darvos a benvida.
O horario da actividade será de 08.30 a 14.30 horas, sendo a hora de 08.30 a 10.00 h e de 13.00 a 14.30 h a entrada e saída libre. Se os nenos e as nenas chegan despois desta hora non se garante que realicen a actividade programada.
Agradecemos que pais, nais, titor/a legal, acolledor/a deixen os nenos e as nenas na súa aula correspondente, xa que o monitorado da empresa adxudicataria Golfiño non será responsable dos menores mentres non accedan á aula. Na porta de cada aula, haberá un horario das actividades para que as familias poidan conciliar do mellor xeito posible.
Os nenos/as deberán traer: auga, merenda para media mañá, gorra, crema solar e roupa cómoda. Os máis pequenos poden deixar na aula un mandilón para facer as diferentes manualidades.
Recordarvos tamén, que recomendamos para as merendas da media mañá, fomentando unha educación alimentaria e igualitaria a seguinte pauta:
- Luns: lácteo
- Martes: froita
- Mércores: bocadillo.
- Xoves: froita
- Venres: doce
Este verán non haberá campamento os días 24, 25 de xullo e o 15 de agosto por ser festivos locais e autonómicos.
CÓDIGO DE RECOLLIDA DE NENOS E NENAS
Para facilitar a recollida de menos/as por persoas que non están autorizadas, cada participante terá un código, que só coñecerán os pais, nais, titor/a legal, acolledor/a .
Se algún día, de xeito excepcional, ningunha das persoas autorizadas pode recoller o menor, os responsables poderán facilitar ese código á persoa que se vai encargar da recollida do participante. Esta persoa identificarase, presentando o DNI e facilitándolles aos monitores/as o código do menor; de ser correcto procederase á entrega do neno/a a esa persoa.
Agradeceríamos que este código se empregue de xeito excepcional e que non se facilite a moitas persoas alleas ao círculo familiar.
De todo o demais que vos teñamos que informar, farémolo de xeito directo a través do equipo de monitores e monitoras.
Un saúdo e bo verán!
