Raúl Santos informou que este ano se disporá de catro días, o sábado 13, o domingo 14, o luns 15 e finalmente o martes 16 día do Carme, “o sábado temos inchables e festa da espuma para a rapazada, pola noite unha festa máis xuvenil co DJ Mateo Abelleira, o domingo gran sardiñada, pregón e Pili Pampín, o luns 15 a París de Noia máis Planet Disco Movil. O martes 16, día do Carme, ás 11:30 h misa solemne e procesión marítima, Tania Veiras e sesión de fogos de artificio”.
Fernando Abraldes informou que como novidade este ano a concellería de Festexos e a concellería de Mar idearon dispoñer dun catamarán para acompañar á virxe ata a Forcadiña, con capacidade para 200 persoas. Abraldes anima a embarcacións de parroquias veciñas a sumarse á procesión marítima. Suarez-Puerta, como concelleiro de Festexos, felicitou polo gran traballo á comisión, por ter unha programación de primeira e anima a xente a gozar das grandes festas do Carme de Aguiño
