O obxecto do contrato será a prestación do servizo de conserxería, portería, limpeza, mantemento simple, control e supervisión do aparcadoiro municipal “Praza do Centenario”.
O servizo adxudicouse a “Cycle Servicios Galicia, S.L.” que recibirá 337.270,56 euros en concepto de servizo para 2 anos e unha achega anual de 3.000€/ano para o material de mantemento simple que non requira de coñecementos específicos.
Entre outros servizos que se van a realizar serían tarefas de reparación e mantemento simple que non requiran coñecementos especializados, seguridade, labores de limpeza integral, telefonía, hardware, software, uniformes, lei de prevención de riscos laborais, persoal, etc..
Pérez Barral engade que “esta adxudicación supón dar un paso máis nesa mellora integral que dende o Goberno Municipal de Ribeira queremos facer para dispor dun estazonamento céntrico e asequible, temos xa o aparcadoiro máis barato de toda o Barbanza, porque facemos unha aposta decidida para facilitar un espazo onde deixar o coche ás persoas que veñen a traballar ou mercar a Ribeira; por iso tamén quixemos establecer esas bonificacións adicionais ás persoas que consumen nos negocios da localidade, e polo tanto; agardamos con esta adxudicación do servizo de portería consigamos reforzar ese aparcadoiro que pasará a abrir as 24 h do día”.
