28 junio, 2024
Na imaxe, o escritor coa sua dona e un dos seus catorce fillo // Foto, C.C. Galega
Xoán Manuel, nado no barrio pontevedrés do Burgo o 16 de decembro de 1811, está considerado un dos precursores do Rexurdimento literario, e dentro deles, pertencente á primeira xeración provincialista. A súa obra, como acontecía por norma xeral na época, está espallada en xornais, revistas e folletos, mais é A Gaita Gallega (1853) a única obra súa publicada en vida. Dita composición sitúao nun lugar importante da literatura galega por ser a primeira escrita en galego moderno. Dedicóuselle o Día das Letras Galegas do ano 1975.
Xoán Manuel foi o terceiro de cinco irmáns (dúas mulleres e tres homes). Trasladáronse a Ferrol en 1817, onde a nai e o irmán máis vello finaron sendo Xoán Manuel aínda un cativo. Volveron a Pontevedra e de novo a Ferrol. Viviu logo na Coruña (1822-25) onde estudou Human idades e, máis tarde, na Universidade de Santiago formouse en Filosofía (1825), que completou coa aprendizaxe de música e violín, así como Dereito.
Xa licenciado, impartiu docencia universitaria na materia de Institucións Canónicas. Dende 1837 a 1840 traballou de avogado na Coruña. En 1840 foi nomeado zuíz de primeira instancia en Cambados polo goberno progresista. O ano seguinte casou con Serafina Amado Boullosa, irmá do tamén escritor José Benito Amado Boullosa, coa que tivo catorce fillos.
Logo de ser destituído como xuíz en polo goberno conservador, , exerceu de avogado na súa vila natal, onde foi fiscal e chegou a ser decano do colexio profesional. En Pontevedra impartiu ensino público e privado. Finalmente, dende 1862, foi rexistrador da propiedade en Vigo.
Foi nomeado socio de mérito da agrupación La Galicia Literaria, fundada en 1875 en Madrid por Teodosio Vesteiro Torres.
O Concello de Pontevedra outorga periodicamente un premio co seu nome ao compromiso coa lingua.
Boa parte da súa obra poética atópase dispersa en prensa ou publicacións colectivas; sen dúbida, a máis coñecida é A gaita galega tocada polo gaiteiro ou sexa carta de Cristus para ir deprendendo a ler, escribir e falar ben a lingua galega e aínda máis, onde, en sete partes que foron publicadas por entregas, Pintos constrúe un diálogo entre un gaiteiro (que é unha especie de alter ego) e un tamborilero que actúa como receptor dos ensinos daquel, empeñado en argumentar a defensa do galego como idioma válido para todos os usos. O diálogo aparece composto con textos en latín, castelán, citas en francés e poemas do propio Pintos.
1528.- El célebre gallego D. Alonso de Fonseca escribe en Madrid una notable carta a Erasmo, correspondencia que sería habitual entre ambos a lo largo de los años y dentro siempre de un respeto mutuo.
1873.- Se encarga de la cartera de Fomento el jefe del partido republicano federal de Galicia, D. Ramón Pérez Costales.