28 junio, 2024
O Pescados Rubén Burela volveuno facer. O equipo laranxa ven de proclamarse campión da Primeira División Iberdrola por sexta vez na súa historia, a cuarta nos últimos cinco anos, o que reflexa o dominio do equipo galego no fútbol sala feminino nacional.
Precisamente o Burela igualou no palmarés ao Atlético Navalcarnero. O equipo madrileño gañou en Vista Alegre o primeiro partido da final, pero as de Julio Delgado foron capaces de remontar empatando a serie en Madrid e rematando co partidazo deste mércores co que certificaron o título. O 4-0 do marcador final é o vivo reflexo da superioridade laranxa no partido.
Desde a Real Federación Galega de Fútbol queremos trasladar a toda familia do Pescados Rubén Burela a nosa felicitación por este novo éxito e polo magnífico traballo que segue facendo o club para manterse como o mellor equipo do fútbol sala feminino nacional.