Éxito nos concertos de solistas de fin de curso da Escola Municipal de Música de Rois

A Escola Municipal de Música de Rois celebrou con gran éxito os concertos de solistas de fin de curso realizados no auditorio municipal o pasado venres día 21 e o domingo 23 de xuño. A veciñanza respondeu á convocatoria enchendo o auditorio en ambas ocasións para apoiar aos talentos da escola.

Os concertos, que comezaron ás 19:00 horas, destacaron polo alto nivel artístico e a variedade de pezas interpretadas. Os estudantes demostraron a súa destreza musical e o resultado do seu traballo durante o ano, ofrecendo un repertorio que incluíu desde obras clásicas ata composicións contemporáneas.

A resposta do público foi moi positiva, valorando tanto a calidade das interpretacións como o esforzo e dedicación dos alumnos e os seus mestres. Estes concertos celebraron o fin de curso ademais de reforzar o papel da Escola Municipal de Música de Rois como un centro educativo e cultural de referencia na comunidade.