A Facultade de Bioloxía da USC súmase ao rexeitamento a Altri

A Xunta da Facultade de Bioloxía da Universidade de Santiago de Compostela aprobou, nunha reunión extraordinaria celebrada o pasado 19 xuño de 2024, un manifesto en defensa da flora serpentinítica, a cal vese ameazada pola posible instalación de Altri na comarca da Ulloa.

Dende o centro consideran que a instalación desa fábrica terá “un impacto negativo” nunha área con presenza de flora endémica de grande interese botánico, constituída por especies vexetais consideradas en perigo de extinción.

«(A Facultade) Rexeita a instalación das fábricas de celulosa e fibras téxtiles promovidas por Altri-Greenfiber (proxecto Gama) en toda área con presenza do afloramento das serpentinitas de Melide, e exhorta ás institucións galegas, españolas e europeas a defender o patrimonio natural e impedir a gravísima afección á biodiversidade vexetal única presente na zona que provocaría este  proxecto industrial», reza o manifesto, que pódese consultar íntegro aquí.