Falece Félix Rodríguez Vieites, o primeiro alcalde democrático de Oroso

Fondo pesar polo falecemento Félix Rodríguez Vieites, o primeiro alcalde de Oroso tras a volta da democracia a España. Veciño da Parroquia de Deixebre e perito de profesión, dedicou gran parte da súa vida ao servizo público, sendo un referente na historia de Oroso ao ser elixido como alcalde en 1979, representando á Unión de Centro Democrático (UCD).

Durante a súa década de mandato, ata 1989, liderou importantes proxectos para o desenvolvemento da propia Oroso,  continuando posteriormente o seu labor como alcalde baixo as siglas de Coalición Galega, sempre coa mesma entrega e compromiso co benestar.

«Félix Rodríguez Vieites tamén foi un home de familia, pai de dous fillos, e un profesional respectado. A súa perda deixa un gran baleiro entre os veciños e veciñas que tiveron a sorte de coñecelo e traballar ao seu carón. O alcalde actual de Oroso, Alex Doval, quere expresar en nome de todo o Concello o máis sentido pésame á súa familia e achegados neste difícil momento», expresou o Concello a través dun comunicado