O irlandés John Banville, prato forte da SELIC, chega hoxe a Santiago

Sábado especial na Semana do Libro de Compostela, que acollerá hoxe na Praza da Quintana toda unha serie de propostas xa dende pola mañá. Entre elas, destaca a continuación la aposta polo xénero negro con SELIC Criminal e, sobre todo, a presenza de John Banville.

PROGRAMA 15 DE XUÑO

12h00 – Encontro do club de lectura Lila de Lilith con Lorena Conde sobre a obra Festas de Gardar. Editorial Cuarto de Inverno. [Colabora: Premios Follas Novas do Libro Galego]. No Patio infantil.

12h00 – Un día na fonda e escura fraga
Contacontos infantil con Olaia Otero. O Grúfalo de Julia Donaldson e Axel Schffler cumpre 25 anos e celebrámolo contando a súa vida e as aventuras da súa filla. Encantará á rapazada máis pequena que nunca antes se perderse nunha fonda e escura fraga.
Patasdepeixe editora. No Patio infantil.

13h00 – Viaxa con nós ata a última fronteira
Contacontos infantil con Iria Pinheiro que nos leva por fragas e vales alén do coñecido, ata a última fronteira, acompañados do osiño e o seu avó. Descubriremos a importancia de preservarmos os recunchos naturais.
A última fronteira de Cecilia Heikkilä. Patasdepeixe editora. No Patio infantil.

13h00 – Miguel Barrero presenta a súa obra La otra orilla.
Galaxia Gutemberg Ed.

16h30 – Paseo Crime en Compostela
Mario Regueira lévanos polos escenarios da novela de Carlos Reigosa que cumpre 40 anos e polos espazos do xénero negro da cidade. (1 hora). Público: xuvenil e adulto. [Colabora: AELG]. Na entrada principal da carpa.

18h00 – Festivais negros
Conversa con Javier Rivero (dir. Tenerife Noir), Javier Sánchez Zapatero (dir. Congreso de novela y cine negro de Salamanca) , Miguel Barrero (dir. Semana Negra de Xixón) e Xaquín Núñez.

19h00 – Detectives de ficción
Bieito Iglesias, Beto Luaces e Araceli Gonda conversan sobre as características dos detectives de ficción. Presentados por Javier Rivero.

20h00 – Conversa con John Banville
María Fasce, editora do autor, conversa co escritor irlandés John Banville, premio Booker e premio Príncipe
de Asturias.

21h00 – Pessoa detective
Dramatización de textos da obra detectivesca de Fernando Pessoa. Con Ana Rodrigues, Beatriz Bernardes e Luciano Russo. Universidade do Minho.