O Concello de Boqueixón e a Federación Galega de Espeleoloxía organizarán visitas guiadas á cova do Pico Sacro

O Concello de Boqueixón e a Federación Galega de Espeleoloxía organizarán este verán visitas guiadas á cova do Pico Sacro. A presentación desta iniciativa terá lugar este sábado, 8 de xuño, ás 12:00 horas no propio Pico Sacro, cunha primeira baixada dirixida aos medios de comunicación.

Os xornalistas poderán realizar un percorrido entre as dúas covas principais: a cova da rúa da Raíña e a cova dos Mouros.

Á presentación asistirán o alcalde de Boqueixón, Ovidio Rodeiro, e o presidente da Federación Galega de Espeleoloxía, Gonzalo Villarmea.