5 junio, 2024
Continúa a iniciativa ‘Respirar a arte’, a través da cal os participantes poden desfrutar de sesións de ioga nun entorno artístico como o Centro Galego de Arte Contemporáneo (CGAC) e que hoxe, día 5 de xuño, abre o prazo de inscripción ata o próximo día 10 para poder participar dunha nova quenda de esta actividade.
O obxectivo deste programa é, precisamente, «fomentar e facilitar o diálogo entre o público e a arte contemporánea utilizando o ioga como ferramenta para a mediación».
Así, ao longo do ano, organizaranse varias sesións de ioga enmarcadas nas exposicións de artistas como Antón Lamazares, Concha Jerez, José Iges e Mar Caldas. As sesións tamén se levarán a cabo no espazo natural do parque de Bonaval, deseñado por Álvaro Siza Vieira en colaboración coa paisaxista galega Isabel Aguirre, xunto á escultura Porta da música de Eduardo Chillida, e na suxestiva arquitectura do CGAC, destacando a peza permanente Triangular Pavilion de Dan Graham.
«Cada clase será creada ad hoc, de xeito que a temática das secuencias de ioga e as asanas (posturas corporais) estarán directamente relacionadas coas pezas de arte, a arquitectura ou a paisaxe. As asanas, que posúen formas xeométricas e arquitectónicas exactas, conxugarán o simbolismo do ioga co simbolismo da arte, explorando a súa contemplación», sinalan dende o CGAC.
Paula Toimil, encargada de dirixir as clases, realizará visitas comentadas ás exposicións, nutríndose de conceptos, formas, cores, dimensións, materia ou luz, para trasladar estes parámetros aos nosos corpos e invitar o público a vivir a arte de maneira física, emocional e espiritual. A través da respiración e das posturas, procuraremos un exercicio de escoita persoal que nos permitirá tanto aprender da arte como coidar do noso interior.
Se ben a actividade é de balde, as persoas interesadas poderán enviar a cgac.educacion@xunta.gal unha mensaxe electrónica para inscribirse nas futuras sesións.
PROGRAMA DE SESIÓNS