Xuño chega a un CGAC con infinidade de propostas

Redacción

O Centro Galego de Arte Contemporáneo (CGAC) ofrece neste recien iniciado mes de xuño toda unha serie de actividades e propostas culturais dirixidas ao público en xeral.

Aquí presentamos algunhas delas.

COLECCIÓNS PÚBLICAS A DEBATE: A COLECCIÓN CGAC (II)

O 5 e 11 de xuño terá lugar unha serie de mesas redondas dirixidas por Pedro de Llano e Santiago Olmo. A entrada será libre e de balde ata completar a capacidade da sala.

Mércores 5 de xuño, ás 18:00 h na Biblioteca do CGAC: Mesa redonda coa participación dos artistas Vicente Blanco, Yolanda Herranz e Carme Nogueira, así como a comisaria Susana González. Moderarán Santiago Olmo, director do CGAC, e Pedro de Llano, historiador da arte, profesor da USC e comisario.
Mércores 11 de xuño, ás 19:00 h na Aula 10 da Facultade de Xeografía e Historia da USC: Mesa redonda cos críticos e comisarios Carlos Bernárdez, Ángel Calvo Ulloa e Agar Ledo. Moderarán Pedro de Llano e Santiago Olmo.

PRESENTACIÓN DO CATÁLOGO DA EXPOSICIÓN NARELLE JUBELIN. NALGURES

O 6 de xuño, ás 19:00 h na Biblioteca do CGAC, presentarase o catálogo da exposición de Narelle Jubelin. A entrada será libre e de balde ata completar a capacidade da sala. Intervirán a artista Narelle Jubelin, a comisaria da mostra Natalia Poncela e o director do CGAC Santiago Olmo.

RUTA DE ARQUITECTURA CONTEMPORÁNEA: ACTUACIÓNS DE BORDO

O 8 de xuño, de 11:00 a 13:30 h, realizarase unha visita guiada por actuacións que conectan zonas da cidade construídas en diferentes épocas, dirixida por Carmen Rey. As prazas, que son 20, están dispoñibles sen inscrición previa e de balde.

XORNADAS MÚSICA CONTEMPORÁNEA 2024: CALEIDOSCOPIO

O 12 de xuño, ás 11:30 h no Auditorio do CGAC, o Ensemble Liberdade, dirixido por Xacobe Martínez Antelo, ofrecerá un concerto que explora a improvisación como fonte de inspiración. A entrada será libre e de balde ata completar a capacidade da sala.

SESIÓNS DE IOGA NO CGAC: RESPIRAR A ARTE

As sesións de ioga dirixidas por Paula Toimil continuarán en xuño con dúas datas:

Sábado 15 de xuño de 11:00 a 12:30 h. Inscricións do 5 ao 10 de xuño.
Martes 18 de xuño de 20:00 a 21:30 h. Inscricións do 12 ao 14 de xuño.

SALTO CUÁNTICO: PROGRAMA DE ACTIVIDADES EN COLABORACIÓN CO CESGA E IGFAE

MASTERCLASS ARMIN LINKE: O 22 de xuño, ás 11:30 h no Auditorio do CGAC, o fotógrafo e cineasta Armin Linke ofrecerá unha masterclass sobre a súa obra e os procesos desenvolvidos nos últimos 30 anos. A entrada será libre e de balde ata completar a capacidade da sala.
CONFERENCIA ALMUDENA MARTÍN CASTRO: O METRÓNOMO DE BEETHOVEN: O 27 de xuño, ás 18:00 h no Auditorio do CGAC, Almudena Martín Castro falará sobre a súa traxectoria e os seus estudos en Belas Artes, Física e Piano. A entrada será libre e de balde ata completar a capacidade da sala.
UNIVERSO ENTRE CANCIÓNS: O 28 de xuño, de 19:30 a 21:00 h no Auditorio do CGAC, terá lugar un espectáculo que fusiona arte e ciencia, con narracións sobre o cosmos e cancións propias que celebran o universo. A entrada será libre e de balde ata completar a capacidade da sala.