3 junio, 2024
A Xunta de Galicia vén de recoñecer a excelencia académica de 106 estudantes das universidades galegas cos premios fin de carreira, tal e como se recolle na resolución publicada no Diario Oficial de Galicia (DOG). Estes galardóns están destinados ao alumnado do Sistema Universitario de Galicia (SUG) que rematou os seus estudos no ano 2023. En total, 52 premiados pertencen á Universidade de Santiago de Compostela (USC), 35 á Universidade de Vigo (UVIgo) e 19 á Universidade da Coruña (UDC), sendo o 62% mulleres.
Os mellores expedientes distribúense entre 64 titulacións nos distintos campus. Na USC, destacan os 4 premios en Medicina e outros 4 no Grao en Mestre/a de Educación Infantil. Cada un dos 103 premiados recibirá unha achega económica de 3.500 euros e un diploma acreditativo.
Para optar ao premio, as persoas candidatas debían acreditar unha puntuación media no seu expediente académico igual ou superior a 8,5 puntos nas ramas de coñecemento de Artes e Humanidades, Ciencias Sociais e Xurídicas, Ciencias e Ciencias da Saúde, e 7,5 puntos para a rama de Enxeñaría e Arquitectura.