Campamento dixital para mocidade, en Rianxo

O Servizo de Xuventude organiza un Campamento Dixital, dirixido a mocidade de 12 e 13 anos e de 14 a 17 anos, que se desenvolverán no verán 2024 no Centro Sociocultural – Auditorio de Rianxo. O campamento será gratuíto e terá unha duración de 15 días, de luns a venres de 10.30 a 13.30h. O seu obxectivo é formar a nenos, nenas e adolescentes en competencias dixitais, garantindo así a súa inclusión dixital.

Trátase de dous campamentos dirixidos aos seguintes grupos de idade e cos seguintes contidos:

De 12 a 13 anos:

• ​​​​​​​Benestar dixital
• ​​​​​​​Seguridade, privacidade e reputación na rede
• ​​​​​​​Filtros eficaces e ferramentas de busca
• ​​​​​​​Comunicación en liña e prevención do ciberacoso
• ​​​​​​​Compartir ideas e contidos en internet

De 14 a 17 anos:

• Saúde dixital: hábitos saudables e benestar dixital
• Retos víricos e comportamentos positivos e negativos nas redes sociais e en internet
• Protección de datos, identidade dixital e reputación en liña
• Liberdade de expresión e respecto en contornos dixitais
• Profesións emerxentes e competencias dixitais para a busca de emprego

Ábrese un período de preinscrición ata o vindeiro 04 de xuño, no cal pódeste inscribir e elixir a data que prefires. Segundo o número de persoas inscritas o campamento celebrarase nas datas que máis solicitudes haxa.