30 mayo, 2024
O Centro Social Polivalente de Brión será o escenario do Baile Solidario de Swing, organizado pola ONG Harambee, este sábado 1 de xuño, de 17:00 a 19:00 horas. O obxectivo é recadar fondos para apoiar proxectos educativos na África subsahariana. A entrada para participar no evento será un donativo voluntario destinado a escolarizar mozos e mozas africanos.
Gloria Solé, delegada de Harambee ONG en Galicia, explica que o baile será aberto a veciños e veciñas de Brión e doutros lugares próximos. Comenzará cunha master class de varios expertos en swing, seguida dun baile no que poderán participar todos os asistentes. Entregar un donativo á entrada do centro social será suficiente para participar na actividade, onde os voluntarios de Harambee informarán sobre os proxectos educativos apoiados.
Con respecto a Harambee, esta é unha ONG fundada en 2022 que promove o desenvolvemento da África subsahariana mediante o apoio a proxectos educativos, de empoderamento da muller e de saúde materno-infantil. Co seu esforzo, os voluntarios colaboran en mellorar o futuro dos africanos, promovendo o seu desenvolvemento e difundindo os seus valores e cualidades.