1. Insta ao estado de Israel a deter o xenocidio practicado contra o pobo palestino e declarar un alto o fogo inmediato e permanente, permitindo a entrada de axuda humanitaria.
2. Insta á comunidade internacional a rematar coa súa inacción e recoñecer o estado de Palestina, así como o seu dereito á autodeterminación. A comunidade internacional tamén debe ser garante do retorno das persoas refuxiadas ás súas casas e propiedades, da fin da ocupación e colonización, do recoñecemento da igualdade das persoas palestinas, da fin das leis de discriminación, así como da liberación das persoas palestinas presas e da fin dos abusos que se están a cometer.
3. Denuncia a destrución das universidades e institucións educativas palestinas na franxa de Gaza e os ataques de calquera tipo contra as comunidades universitarias.
4. Co fin de contribuír a recuperar a normalidade na vida universitaria palestina comprométese a intensificar as relacións de apoio e colaboración coas universidades palestinas, así como coas súas comunidades, e a cooperar tamén coas ONG que traballan sobre o terreo para axudar na acollida de dita comunidade universitaria.
5. Comprométese a non asinar novos convenios de colaboración, nin a manter ningún tipo de relación científica ou académica con universidades e institucións israelís, proxectos internacionais, grupos de investigación, investigadores e docentes que non asuman explicitamente os compromisos que figuran nesta declaración.
6. Comprométese a revisar e suspender calquera relación económica con institucións e empresas israelís que non asuman de xeito explícito os compromisos desta declaración.
7. Apoia toda manifestación de solidariedade co pobo palestino e lamenta o emprego de violencia no exercicio pacífico do dereito a manifestación.
8. Comprométese a manter aberto o diálogo con todas as expresións de auto organización da comunidade universitaria.
